ინფორმაცია სერვისებით დროებით შეჩერების შესახებ

მიმდინარე წლის 20 მარტიდან შინაგან საქმეთა სამინისტროს მომსახურების სააგენტო მოქალქეებისთვის გარკვეული სერვისების მიწოდებას დროებით აჩერებს.

მომსახურების სააგენტოს მიერ დროებით არ განხორციელდება:

• სატრანსპორტო საშუალების მართვის მოწმობის მისაღები თეორიული და პრაქტიკული გამოცდების ჩაბარება;
• ცეცხლსასროლი იარაღის რეგისტრაციასთან დაკავშირებული პროცედურები, მათ შორის ცეცხლსასროლი იარაღის ბრუნვის წესების ცოდნაში გამოცდები;

მომსახურების სააგენტო ამ ეტაპზე ახორციელებს შემდეგი სერვისების მიწოდებას:

• სატრანსპორტო საშუალების საბაჟო და სარეგისტრაციო პროცედურები;
• დაკარგული ან დაზიანებული სანომრე ნიშნის აღდგენა;
• ნასამართლობის შესახებ ცნობის გაცემა, განაცხადი მიიღება მხოლოდ ელექტრონული წესით (sa.gov.ge);
• სატრანსპორტო საშუალების სამართლებრივი მდგომარეობის შესახებ, პირის მიერ სახელმწიფო საზღვრის გადაკვეთა-გადმოკვეთის შესახებ, პირის უგზო-უკვლოდ დაკარგვის შესახებ და სხვა ცნობების გაცემა;
• სააგენტოს მიერ გაცემული ცნობების თარგმნა/აპოსტილით დამოწმება.