იურიდიული პირის სისხლისსამართლებრივი პასუხისმგებლობის შესახებ ცნობა

იურიდიული პირის სისხლისსამართლებრივი პასუხისმგებლობის შესახებ ცნობაში აისახება ინფორმაცია იურიდიული პირის (სამეწარმეო (კომერციული) ან არასამეწარმეო (არაკომერციული) იურიდიულ პირის (მისი უფლებამონაცვლე)) საქართველოს სისხლის სამართლის კოდექსით გათვალისწინებული დანაშაულისთვის სისხლისსამართლებრივი პასუხისმგებლობის, აგრეთვე, დანიშნული სასჯელის სახისა და ზომის შესახებ.

ცნობის მისაღებად მომსახურების სააგენტოში წარსადგენი დოკუმენტებია:

• დაინტერესებული პირის განცხადება, რომელშიც მითითებული იქნება იურდიული პირის (სამეწარმეო (კომერციული) ან არასამეწარმეო (არაკომერციული) იურიდიული პირი (მისი უფლებამონაცვლე)): სახელწოდება, სამართლებრივი ფორმა, საიდენტიფიკაციო ნომერი;
• საქართველოს კანონმდებლობის შესაბამისი წესით ნათარგმნი და დამოწმებული, უცხო ქვეყნის იურიდიული პირის რეგისტრაციის ფაქტის და რეგისტრირებული მონაცემების დამადასტურებელი დოკუმენტი;
• დაინტერესებული პირის პირადობის დამადასტურებელი დოკუმენტი;
• მონაცემთა სუბიექტის წერილობითი თანხმობა, თუ მომსახურების გაწევა ხორციელდება მონაცემთა სუბიექტის წერილობითი თანხმობის საფუძველზე, მესამე პირის მოთხოვნით;
• მესამე პირის მიერ წარმოდგენილი სანოტარო აქტით დამოწმებული წარმომადგენლობითი უფლებამოსილების მინიჭების დამადასტურებელი დოკუმენტი/ „მეწარმეთა შესახებ“ საქართველოს კანონის საფუძველზე, გაცემული წარმომადგენლობითი უფლებამოსილების მინიჭების დამადასტურებელი დოკუმენტი, თუ მომსახურების გაწევა ხორციელდება მონაცემთა სუბიექტის მიერ წარმომადგენლობითი უფლებამოსილებით აღჭურვილი მესამე პირის მოთხოვნით.
• კანონით/ამ წესით დადგენილი საფასურის გადახდის დამადასტურებელი დოკუმენტი.

5 სამუშაო დღეში ცნობის გაცემის საფასური: 20 ლარი;

3 სამუშაო დღეში: 35 ლარი;

1 სამუშაო დღეში: 45 ლარი.

ცნობის მისაღებად განაცხადის გაკეთება შესაძლებელია სააგენტოს ნებისმიერ ფილიალში.