ახალციხე-ახალქალაქის სამმართველო

საჯარო სამართლის იურიდიული პირი - საქართველოს შინაგან საქმეთა სამინისტროს მომსახურების სააგენტო აცხადებს ღია სპეციალურ კონკურსს სააგენტოს რეგიონალური დეპარტამენტის ახალციხე-ახალქალაქის სამმართველოში

სამუშაო ადგილმდებარეობა: ქ.ახალციხე

თანამდებობა: უფროსი ინსპექტორი

ვაკანტური თანამდებობის რაოდენობა: 1

თანამდებობრივი სარგო: 1931

სამუშაოს ტიპი: სრული განაკვეთი

სამუშაო გრაფიკი: 

სამუშაო დღე - 6

დასვენების დღე - 1

სამუშაო საათები:

ორშაბათი - პარასკევი: 09:30 – 17:30

შაბათი: 10:00 – 16:00

შესვენება - 1 საათი

ძირითადი ფუნქციები:

ა) იარაღის რეგისტრაციის, იარაღის ხელახალი რეგისტრაციისა და იარაღის ჩამოწერის უზრუნველყოფა:

ა.ა) იარაღის ძირითადი ელემენტებისა და იარაღის დამატებითი ძირითადი ელემენტების რეგისტრაცია, ხელახალი რეგისტრაცია და ჩამოწერა;

ა.ბ) იარაღის სარეგისტრაციო მოწმობის გაცემა, იარაღის დროებითი მოწმობის გაცემა, იარაღის ბალისტიკური შემოწმების და იარაღის რეესტრის წარმოება;

ბ) სატრანსპორტო საშუალებასთან დაკავშირებით უზრუნველყოს:

ბ.ა) დეკლარანტის მომართვის საფუძველზე, სასაქონლო ოპერაციისათვის განკუთვნილი სატრანსპორტო საშუალებაზე საბაჟო დეკლარაციის შევსება ან/და სასაქონლო ოპერაციის გამოყენებასთან დაკავშირებული ინფორმაციის (დოკუმენტების) საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირისათვის – შემოსავლების სამსახურისათვის მიწოდება;

ბ.ბ) სატრანსპორტო საშუალებათა, მათი ნომრიანი აგრეგატებისა და სასოფლო-სამეურნეო მანქანების დამხმარე ტექნიკური საშუალებების რეგისტრაცია და აღრიცხვიდან მოხსნა, რეგისტრაციის მოწმობის, რეგისტრაციის ნომრის (სახელმწიფო სანომრე ნიშნის/ნიშნების),

ტექნიკური ტალონის, სხვა სახის სარეგისტრაციო ნიშნის (ტრანზიტული ნომერი, შიდა ტრანზიტი, „TEST“ ნომერი, აღრიცხვიდან მოხსნის ბარათი, დროებითი მოწმობა და ა. შ.) დამზადება/გაცემა;

გ) სატრანსპორტო საშუალების მართვის უფლებასთან დაკავშირებით უზრუნველყოს:

გ.ა) სატრანსპორტო საშუალების მართვის უფლების მინიჭება, შეჩერება ან შეწყვეტა (გაუქმება), შეჩერებული ან შეწყვეტილი (გაუქმებული) სატრანსპორტო საშუალების მართვის უფლების აღდგენა;

გ.ბ) სატრანსპორტო საშუალების მართვის მოწმობის დამზადება/გაცემა (შეცვლა, დაკარგულის აღდგენა, პირველადი გაცემა);

გ.გ) საერთაშორისო მართვის მოწმობის მომზადება და გაცემა;

დ) ცნობებთან დაკავშირებით უზრუნველყოს:

დ.ა) უფლების ჩამორთმევის შესახებ ცნობის გაცემა;

დ.ბ) ნასამართლობის შესახებ ცნობის გაცემა;

დ.გ) სისხლისსამართლებრივი პასუხისმგებლობის დაკისრების შესახებ ცნობის გაცემა;

დ.დ) საქართველოს სახელმწიფო საზღვრის გადაკვეთა-გადმოკვეთის შესახებ ცნობის გაცემა;

დ.ე) პირის უგზო-უკვლოდ დაკარგვის გამო ძებნის გამოცხადების შესახებ ცნობის გაცემა;

ე) დამუშავებული სარეგისტრაციო მონაცემების შინაარსობრივი დახარისხება და საარქივო დოკუმენტაციის მომზადება;

ვ) საქართველოს კანონმდებლობით განსაზღვრულ სხვა ფუნქციების, აგრეთვე უშუალო ხელმძღვანელის ან/და ზემდგომი ხელმძღვანელი პირ(ებ)ის მიერ გაცემული დავალებებისა და ცალკეული მითითებების შესრულება.

საკვალიფიკაციო მოთხოვნები:

• უმაღლესი განათლება;
• სახელმწიფო ენის ცოდნა;
• სამუშაო გამოცდილება: 1 წელი.

დამატებითი მოთხოვნები:

სავალდებულოა:

• კანდიდატი ფლობდეს მექანიკურ გადაცემათა კოლოფის მქონე „B“ კატეგორიის სატრანსპორტო საშუალების მართვის უფლებას.

სასურველია:

• საოფისე კომპიუტერული პროგრამების (Microsoft Office Word, Microsoft Office Excel, Microsoft Office Outlook) ცოდნა.

უნარ-ჩვევები:

• ორგანიზებულობა და დინამიურ სამუშაო რეჟიმში მუშაობის უნარი;
• ეფექტური კომუნიკაციის უნარი (ზეპირი და წერილობითი);
• სტრესულ გარემოში სწრაფად ადაპტირებისა და გადაწყვეტილების მიღების უნარი;  გუნდური მუშაობის უნარი;
• მომხმარებლის კმაყოფილებასა და შედეგზე ორიენტირებულობა;
• სიზუსტესა და დეტალებზე ორიენტირებულობა;
• პროფესიულ განვითარებაზე ორიენტირებულობა.

საკონკურსო თემატიკა:

• საქართველოს კანონი „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ”;
• საქართველოს შინაგან საქმეთა მინისტრის 2018 წლის 28 თებერვლის N24 ბრძანება „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს დებულების დამტკიცების შესახებ“;
• საქართველოს შინაგან საქმეთა მინისტრის 2007 წლის 31 იანვრის N150 ბრძანება „მექანიკური სატრანსპორტო საშუალებების სავალდებულო რეგისტრაციის წესების შესახებ“.

კონკურსში მონაწილეობის მისაღებად კანდიდატმა უნდა წარმოადგინოს შემდეგი დოკუმენტაცია:

• სრულყოფილად შევსებული სააპლიკაციო ფორმა;
• რეზიუმე / CV;
• პირადობის დამადასტურებელი დოკუმენტის ასლი;
• განათლების დამადასტურებელი დოკუმენტის (დიპლომი) ასლი;
• ფოტო 3X4 1 (ერთი) ცალი;
• სამხედრო ბილეთი ან წვევამდელის მოწმობა (საჭიროების შემთხვევაში).

კონკურსის ეტაპები:

• აპლიკაციების შეფასება / გადარჩევა;
• გასაუბრება;
• ჯანმრთელობის მდგომარეობის ან/და ფიზიკური მომზადების დონის შემოწმება;
• სპეციალური შემოწმება.

საქართველოს კანონმდებლობით განსაზღვრული შეზღუდვების გათვალისწინებით შსს სისტემაში არ მიიღება:

• განზრახი დანაშაულისთვის ნასამართლევი პირი;
• პირი, რომლის მიმართაც მიმდინარეობს სისხლისსამართლებრივი დევნა;
• პირი, რომელიც სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ;
• პირი, რომელსაც სასამართლოს მიერ ჩამორთმეული აქვს შესაბამისი თანამდებობის დაკავების უფლება;
• პირი, რომლის ჯანმრთელობაც, ჯანმრთელობის დაცვის სამსახურის სამედიცინო დასკვნის თანახმად, არ აკმაყოფილებს მოცემული თანამდებობის დასაკავებლად აუცილებელ მოთხოვნებს;
• ალკოჰოლიზმით, ნარკომანიით, ტოქსიკომანიით, ფსიქიკური ან/და სხვა სნეულებით დაავადებული პირი. სნეულებათა ჩამონათვალს ერთობლივად ადგენენ საქართველოს შრომის, ჯანმრთელობისა და სოციალური დაცვის მინისტრი და საქართველოს შინაგან საქმეთა მინისტრი;
• პირი, რომელიც თანამდებობის დაკავების შედეგად უშუალო სამსახურებრივი ზედამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს;
• უცხო ქვეყნის მოქალაქე/უცხო ქვეყნის მოქალაქეობის პრეტენდენტი, საქართველოს კანონით ან საერთაშორისო ხელშეკრულებით გათვალისწინებული გამონაკლისის გარდა;
• სპეციალური შემოწმების შედეგად უარყოფითი შეფასების/შედეგის მქონე პირი;
• პირი, რომელმაც სამსახურში მიღების პროცესში შეგნებულად დამალა მასთან დაკავშირებული ინფორმაცია ან წარადგინა არასწორი მონაცემები;
• პირი, რომელიც ვერ აკმაყოფილებს საქართველოს შს სამინისტროში სამსახურის გავლის წესის მოთხოვნებს.

დამატებითი ინფორმაცია:

• კონკურსის მეორე ეტაპზე (გასაუბრება) გადავლენ კანდიდატები, რომლებიც დააკმაყოფილებენ საკონკურსო განაცხადში მითითებულ მოთხოვნებს და სავალდებულო დოკუმენტებს წარმოადგენენ სრულად;
• წარმატებულ კანდიდატებთან დაკავშირება, ასევე კონკურსის ეტაპების შედეგების შესახებ კონკურსანტების ინფორმირება მოხდება მათ მიერ აპლიკაციაში მითითებული საკონტაქტო ინფორმაციის შესაბამისად (ელ. ფოსტა ან/და საჭიროების შემთხვევაში მობილურის ნომერი).

! საყურადღებო ინფორმაცია:

დაინტერესებული პირის მიერ კონკურსში მონაწილეობის მისაღებად წარდგენილი განაცხადით კანდიდატი თანხმობას აცხადებს, რომ მის მიერ მითითებული ინფორმაციის სიზუსტე და კანონმდებლობით დადგენილ მოთხოვნებთან შესაბამისობა გადამოწმებულ იქნეს სააგენტოს მიერ.

კონკურსში მონაწილეობის მისაღებად, დაინტერესებულმა პირ(ებ)მა განცხადებაში მოთხოვნილი დოკუმენტები და შევსებული სააპლიკაციო ფორმა, გთხოვთ, გადმოაგზავნეთ ელ. ფოსტაზე: hr@sa.gov.ge;

გთხოვთ, ელექტრონული წერილის სათაურის ველში (subject) მიუთითეთ იმ ვაკანტური თანამდებობის დასახელება, რომელზეც აკეთებთ განაცხადს;

განაცხადების მიღების ბოლო ვადა: 2024 წლის 4 მაისის ჩათვლით.

საკონტაქტო ინფორმაცია: საკონკურსო კომისიის მისამართი: თბილისი-წითელი ხიდის გზატკეცილი, 21-ე კმ საკონტაქტო ტელეფონი: შიდა +995 32 241 90 99.

გისურვებთ წარმატებებს!