სააგენტოს მრბოლელთა გუნდი

შინაგან საქმეთა სამინისტროს მომსახურების სააგენტოს სპორტული კლუბი MIA Force,   2011 წელს ჩამოყალიბდა და  2016 წელიდან არის  პირველი ქართული კლუბი, რომლის სახელმაც მსოფლიო ჩემპიონატზე გაიჟღერა. კლუბის წევრი დათა ქაჯაია წელს პირველად იღებს მონაწილეობას TCR international-ის სახელით ცნობილ ჩემპიონატზე.

კლუბის სახელით, გასულ წელს, ქართველმა სპორტსმენმა ძარიანი ავტომობილების რბოლაში ევროპის ჩემპიონატზე პირველი ადგილი დაიკავა.  MIA Force-ის  წევრები უკვე რამდენიმე წელია მსოფლიოს სხვადასხვა ქვეყანაში გამართულ საერთაშორისო შეჯიბრებებზე წარმატებით ასპარეზობენ.  სპორტსმენები კლუბის დაარსების დღიდან საქართველოს ეროვნულ ჩემპიონატში, LEGEND-ის და FORMULA alfa-ს  კლასებში იღებენ მონაწილეობას.   მრბოლელებს არაერთი წარმატება აქვთ მიღწეული, როგორც საქართველოს,  ასევე მსოფლიოს მასშტაბით.  მათ შორის, ყველაზე ტიტულოვანი დათა ქაჯაიაა, რომლის ანგარიშზე 100-მდე თასი და მრავალგზის ევროპის ჩემპიონობაა. 

მომსახურების სააგენტოს სპორტული კლუბი აქტიურად უჭერს მხარს საზოგადოებაში ცხოვრების ჯანსაღი წესის დამკვიდრებას და ამ მიმართულებით არაერთი ნაბიჯი გადაიდგა.  კლუბის ეგიდით ხშირად იმართება სხვადასხვა შემეცნებითი თუ საქველმოქმედო აქციები, ასევე კლუბის წევრები ჩართულები არიან ისეთ მარათონებსა და კამპანიებში,  რომლებიც ხელს უწყობენ მომავალ თაობებში ჯანსაღი ცხოვრების წესის დამკვიდრებას.

ამჟამად კლუბი ოთხ ავტომრბოლელს აერთიანებს, რომლებიც პარალელურად მომსახურების სააგენტოს სხვადასხვა დანაყოფების თანამშრომლები არიან.