ვაკანსია - იურიდიული სამმართველო

სსიპ - საქართველოს შინაგან საქმეთა სამინისტროს მომსახურების სააგენტო აცხადებს კონკურსს ადმინისტრაციული დეპარტამენტის იურიდიული სამმართველოს სამართალშემოქმედების განყოფილების უფროსი ინსპექტორის თანამდებობაზე 


         ორშაბათი - პარასკევი: 09:30 – 17:30 

         შაბათი: 11:00 – 16:00

         შესვენება - 1 საათი


ძირითადი ფუნქციები:

ა) მიღებული დავალებების შესაბამისად, ამზადებს წერილების, სამსახურებრივი ბარათების, გადაწყვეტილებების, ნორმატიული აქტების, ასევე ხელშეკრულებების პროექტებს;

ბ) შეიმუშავებს სააგენტოს საქმიანობასა და ფუნქციონირებასთან დაკავშირებული სამართლებრივი აქტების პროექტებს ან/და მონაწილეობს აღნიშნულ პროცესში;

გ) კომპეტენციის ფარგლებში უზრუნველყოფს სააგენტოში სხვადასხვა უწყებიდან შემოსული ნორმატიული აქტების პროექტების განხილვას, სამართლებრივ ექსპერტიზასა და შესაბამისი დასკვნების მომზადებას;

დ) მინიჭებული რწმუნებულების საფუძველზე ახორციელებს წარმომადგენლობით უფლებამოსილებას და იცავს სააგენტოს ინტერესებს ადმინისტრაციულ ორგანოებთან და ფიზიკურ/იურიდიულ პირებთან ურთიერთობაში;

ე) სააგენტოს თანამშრომლებისთვის უზრუნველყოფს სამართლებრივი კონსულტაციის გაწევას;

ვ) უზრუნველყოფს სააგენტოში შემოსული ადმინისტრაციული საჩივრების განხილვას, ადმინისტრაციული წარმოების, ზეპირი მოსმენის ჩატარებას, შესაბამისი დასკვნის მომზადებასა და სააგენტოს დირექტორისათვის წარსადგენად მომზადებას;

ზ) უზრუნველყოფს სააგენტოს სახელით დასადები ხელშეკრულებების, შეთანხმებების, მემორანდუმების პროექტების სამართლებრივ ექსპერტიზას;

თ) საქართველოს კანონმდებლობით დადგენილი წესის შესაბამისად, ხელმძღვანელ პირებთან შეთანხმების საფუძველზე მონაწილეობს საჯარო ინფორმაციის მომზადებაში;

ი) ასრულებს საქართველოს კანონმდებლობით განსაზღვრულ სხვა ფუნქციებს, აგრეთვე უშუალო ხელმძღვანელის ან/და ზემდგომი ხელმძღვანელი პირ(ებ)ის მიერ გაცემულ დავალებებსა და ცალკეულ მითითებებს.


საკვალიფიკაციო მოთხოვნები:

• უმაღლესი იურიდიული განათლება

• სახელმწიფო ენის ცოდნა

• ინგლისური ენის ცოდნა

• საოფისე კომპიუტერული პროგრამების (MS Office – Word, Outlook) ცოდნა


დამატებითი მოთხოვნები:


სასურველია ინგლისური ან სხვა უცხო ენის ცოდნის დამადასტურებელი სერთიფიკატის წარმოდგენა


უნარ-ჩვევები :

• პასუხისმგებლობის მაღალი გრძნობა;

• პუნქტუალურობა;

• ორგანიზებულობა;

• კომუნიკაბელურობა;

• გუნდური და დამოუკიდებლად მუშაობის უნარი;

• დროის ეფექტიანად მართვის უნარი;

• ინფორმაციის მიღებისა და გაზიარების უნარი;

• დეტალებზე ორიენტირებულობის უნარი;

• ანალიტიკური აზროვნების უნარი;



საკონკურსო თემატიკა:

• პოლიციის შესახებ საქართველოს კანონი

• „პერსონალურ მონაცემთა დაცვის შესახებ“ საქართველოს კანონი

• „საქართველოს ზოგადი ადმინისტრაციული კოდექსი“ საქართველოს კანონი

• ადმინისტრაციულ საპროცესო კოდექსი(გარდა VII1-VII16 თავებისა)

• „ინფორმაციული უსაფრთხოების შესახებ“ საქართველოს კანონი

• „ნორმატიული აქტების შესახებ“ საქართველოს კანონი

• „საგზაო მოძრაობის შესახებ“ საქართველოს კანონი(I, V, VI თავები)

• სამოქალაქო კოდექსი

• სამოქალაქო საპროცესო კოდექსი

• „იარაღის შესახებ“ საქართველოს კანონი (I, V თავები)

• „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონი (1-5 მუხლები)

• საქართველოს შინაგან საქმეთა მინისტრის 2018 წლის 28 თებერვლის N24 ბრძანება „საჯარო სამართლის იურიდიული პირის - საქართველოს შინაგან საქმეთა სამინისტროს მომსახურების სააგენტოს დებულების დამტკიცების შესახებ“;



კონკურსში მონაწილეობის მისაღებად კანდიდატმა უნდა წარმოადგინოს შემდეგი დოკუმენტაცია:

• სრულყოფილად შევსებული სააპლიკაციო ფორმა

• რეზიუმე / CV

• პირადობის დამადასტურებელი დოკუმენტის ასლი;

• უმაღლესი აკადემიური განათლების დამადასტურებელი დოკუმენტის (დიპლომი) ასლი;

• ფოტო 3X4 1 (ერთი) ცალი;

• სამხედრო ბილეთი ან წვევამდელის მოწმობა (საჭიროების შემთხვევაში)

კონკურსის ეტაპები:

• აპლიკაციების შეფასება / გადარჩევა

• გასაუბრება

• ჯანმრთელობის მდგომარეობის ან/და ფიზიკური მომზადების დონის შემოწმება (საჭიროების შემთხვევაში)

• სპეციალური შემოწმება

• გამოსაცდელი ვადით დანიშვნა

საქართველოს კანონმდებლობით განსაზღვრული შეზღუდვების გათვალისწინებით შსს სისტემაში არ მიიღება:


• განზრახი დანაშაულისთვის ნასამართლევი პირი;

• პირი, რომლის მიმართაც მიმდინარეობს სისხლისსამართლებრივი დევნა;

• პირი, რომელიც სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ;

• პირი, რომელსაც სასამართლოს მიერ ჩამორთმეული აქვს შესაბამისი თანამდებობის დაკავების უფლება;

• პირი, რომლის ჯანმრთელობაც, ჯანმრთელობის დაცვის სამსახურის სამედიცინო დასკვნის თანახმად, არ აკმაყოფილებს მოცემული თანამდებობის დასაკავებლად აუცილებელ მოთხოვნებს;

• ალკოჰოლიზმით, ნარკომანიით, ტოქსიკომანიით, ფსიქიკური ან/და სხვა სნეულებით დაავადებული პირი. სნეულებათა ჩამონათვალს ერთობლივად ადგენენ საქართველოს შრომის, ჯანმრთელობისა და სოციალური დაცვის მინისტრი და საქართველოს შინაგან საქმეთა მინისტრი;

• პირი, რომელიც თანამდებობის დაკავების შედეგად უშუალო სამსახურებრივი ზედამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს;

• უცხო ქვეყნის მოქალაქე/უცხო ქვეყნის მოქალაქეობის პრეტენდენტი, საქართველოს კანონით ან საერთაშორისო ხელშეკრულებით გათვალისწინებული გამონაკლისის გარდა;

• სპეციალური შემოწმების შედეგად უარყოფითი შეფასების/შედეგის მქონე პირი;

• პირი, რომელმაც სამსახურში მიღების პროცესში შეგნებულად დამალა მასთან დაკავშირებული ინფორმაცია ან წარადგინა არასწორი მონაცემები;

• პირი, რომელიც ვერ აკმაყოფილებს საქართველოს შს სამინისტროში სამსახურის გავლის წესის მოთხოვნებს.


დამატებითი ინფორმაცია:

- კონკურსის მეორე ეტაპზე (გასაუბრება) გადავლენ კანდიდატები, რომლებიც დააკმაყოფილებენ საკონკურსო განაცხადში მითითებულ მოთხოვნებს და სავალდებულო დოკუმენტებს წარმოადგენენ სრულად.

- წარმატებულ კანდიდატებთან დაკავშირება, ასევე კონკურსის ეტაპების შედეგების შესახებ კონკურსანტების ინფორმირება მოხდება მათ მიერ აპლიკაციაში მითითებული საკონტაქტო ინფორმაციის შესაბამისად (ელ. ფოსტა ან/და მობილურის ნომერი).


! საყურადღებო ინფორმაცია:

დაინტერესებული პირის მიერ კონკურსში მონაწილეობის მისაღებად წარდგენილი განაცხადით კანდიდატი თანხმობას აცხადებს, რომ მის მიერ მითითებული ინფორმაციის სიზუსტე და კანონმდებლობით დადგენილ მოთხოვნებთან შესაბამისობა გადამოწმებულ იქნეს სააგენტოს მიერ.

- კონკურსში მონაწილეობის მისაღებად, დაინტერესებულმა პირ(ებ)მა განცხადებაში მოთხოვნილი დოკუმენტები და შევსებული სააპლიკაციო ფორმა, გთხოვთ, გადმოაგზავნეთ ელ. ფოსტაზე: hr@sa.gov.ge

- გთხოვთ, ელექტრონული წერილის სათაურის ველში (subject) მიუთითეთ იმ ვაკანტური თანამდებობის დასახელება, რომელზეც აკეთებთ განაცხადს ;

- განაცხადების მიღების ბოლო ვადა: 2020 წლის 30 მაისი .



გისურვებთ წარმატებებს!